Jai Hanuman

श्रीगुरु चरन सरोज रज, निज मनु मुकुरु सुधारि।
बरनउँ रघुबर बिमल जसु, जो दायकु फल चारि॥

Sri guru charan saroj raj, nij manu mukuru sudhari.
Baranau raghuvar bimal jasu, jo dayaku phal chari.

बुद्धिहीन तनु जानिके, सुमिरौं पवन-कुमार।
बल बुद्धि बिद्या देहु मोहिं, हरहु कलेस बिकार॥

Buddhiheen tanu janike, sumirau pavan-kumar.
Bal buddhi vidya dehu mohi, harahu kales bikar.

जय हनुमान ज्ञान गुन सागर।
जय कपीस तिहुँ लोक उजागर॥

Jai Hanuman gyan gun sagar.
Jai kapis tihun lok ujagar.

राम दूत अतुलित बल धामा।
अंजनि-पुत्र पवनसुत नामा॥

Ram doot atulit bal dhama.
Anjani-putra pavansut nama.

महाबीर बिक्रम बजरंगी।
कुमति निवार सुमति के संगी॥

Mahabir bikram bajrangi.
Kumati nivar sumati ke sangi.

कंचन बरन बिराज सुबेसा।
कानन कुंडल कुंचित केसा॥

Kanchan baran biraj subesa.
Kanan kundal kunchit kesa.

हाथ बज्र औ ध्वजा बिराजै।
काँधे मूँज जनेऊ साजै॥

Hath bajra au dhvaja birajai.
Kandhe moonj janeu sajai.

संकर सुवन केसरी नंदन।
तेज प्रताप महा जग बंदन॥

Sankar suvan kesari nandan.
Tej pratap maha jag bandan.

विद्यावान गुनी अति चातुर।
राम काज करिबे को आतुर॥

Vidyavan guni ati chatur.
Ram kaj karibe ko atur.

प्रभु चरित्र सुनिबे को रसिया।
राम लखन सीता मन बसिया॥

Prabhu charitra sunibe ko rasiya.
Ram lakhan sita man basiya.

सूक्ष्म रूप धरि सियहिं दिखावा।
बिकट रूप धरि लंक जरावा॥

Sukshma roop dhari siyahi dikhava.
Bikat roop dhari lank jarava.

भीम रूप धरि असुर सँहारे।
रामचंद्र के काज सँवारे॥

Bhim roop dhari asur sanhare.
Ramchandra ke kaj sanvare.

लाय सजीवन लखन जियाये।
श्रीरघुबीर हरषि उर लाये॥

Laye sanjivan lakhan jiyaye.
Shree raghuvir harashi ur laye.

रघुपति कीन्ही बहुत बड़ाई।
तुम मम प्रिय भरतहि सम भाई॥

Raghupati kinhi bahut badai.
Tum mam priya bharatahi sam bhai.

सहस बदन तुम्हरो जस गावैं।
अस कहि श्रीपति कंठ लगावैं॥

Sahas badan tumharo jas gavai.
As kahi shreepati kanth lagavai.

सनकादिक ब्रह्मादि मुनीसा।
नारद सारद सहित अहीसा॥

Sanakadik brahmadi munisa.
Narad sarad sahit ahisa.

जम कुबेर दिगपाल जहाँ ते।
कबि कोबिद कहि सके कहाँ ते॥

Jam kuber digpal jahan te.
Kabi kobid kahi sake kahan te.

तुम उपकार सुग्रीवहिं कीन्हा।
राम मिलाय राज पद दीन्हा॥

Tum upkar sugreevahin keenha.
Ram milay raj pad deenha.

तुम्हरो मंत्र बिभीषन माना।
लंकेश्वर भए सब जग जाना॥

Tumharo mantra bibhishan mana.
Lankeshwar bhaye sab jag jana.

जुग सहस्र जोजन पर भानू।
लील्यो ताहि मधुर फल जानू॥

Jug sahastra jojan par bhanu.
Leelyo tahi madhur phal janu.

प्रभु मुद्रिका मेलि मुख माहीं।
जलधि लाँघि गये अचरज नाहीं॥

Prabhu mudrika meli mukh mahin.
Jaladhi langhi gaye acharaj nahin.

दुर्गम काज जगत के जेते।
सुगम अनुग्रह तुम्हरे तेते॥

Durgam kaj jagat ke jete.
Sugam anugrah tumhare tete.

राम दुआरे तुम रखवारे।
होत न आज्ञा बिनु पैसारे॥

Ram duare tum rakhvare.
Hot na agya binu paisare.

सब सुख लहै तुम्हारी सरना।
तुम रक्षक काहू को डरना॥

Sab sukh lahai tumhari sarna.
Tum rakshak kahu ko darna.

आपन तेज सम्हारो आपै।
तीनों लोक हाँक तें काँपै॥

Aapan tej samharo aapai.
Teenon lok hank te kanpai.

भूत पिशाच निकट नहिं आवै।
महाबीर जब नाम सुनावै॥

Bhoot pisach nikat nahin avai.
Mahabir jab naam sunavai.

नासै रोग हरै सब पीरा।
जपत निरंतर हनुमत बीरा॥

Nasai rog harai sab peera.
Japat nirantar hanumat beera.

संकट तें हनुमान छुड़ावै।
मन क्रम बचन ध्यान जो लावै॥

Sankat te Hanuman chhudavai.
Man kram bachan dhyan jo lavai.

सब पर राम तपस्वी राजा।
तिन के काज सकल तुम साजा॥

Sab par Ram tapasvi raja.
Tin ke kaj sakal tum saja.

और मनोरथ जो कोई लावै।
सोइ अमित जीवन फल पावै॥

Aur manorath jo koi lavai.
Soi amit jeevan phal pavai.

चारों जुग परताप तुम्हारा।
है परसिद्ध जगत उजियारा॥

Charon jug partap tumhara.
Hai parsiddh jagat ujiyara.

साधु संत के तुम रखवारे।
असुर निकंदन राम दुलारे॥

Sadhu sant ke tum rakhvare.
Asur nikandan Ram dulare.

अष्ट सिद्धि नौ निधि के दाता।
अस बर दीन जानकी माता॥

Ashta siddhi nau nidhi ke data.
As bar deen Janaki mata.

राम रसायन तुम्हरे पासा।
सदा रहो रघुपति के दासा॥

Ram rasayan tumhare pasa.
Sada raho raghupati ke dasa.

तुम्हरे भजन राम को पावै।
जनम जनम के दुख बिसरावै॥

Tumhare bhajan Ram ko pavai.
Janam janam ke dukh bisravai.

अंत काल रघुबर पुर जाई।
जहाँ जन्म हरि भक्त कहाई॥

Ant kaal raghuvar pur jai.
Jahan janm Hari bhakt kahai.

और देवता चित्त न धरई।
हनुमत सेइ सर्व सुख करई॥

Aur devta chitt na dharai.
Hanumat sei sarv sukh karai.

संकट कटै मिटै सब पीरा।
जो सुमिरै हनुमत बलबीरा॥

Sankat katai mitai sab peera.
Jo sumirai hanumat balbeera.

जय जय जय हनुमान गोसाईं।
कृपा करहु गुरुदेव की नाईं॥

Jai jai jai Hanuman gosai.
Kripa karahu gurudev ki nai.

जो सत बार पाठ कर कोई।
छूटहि बंदि महा सुख होई॥

Jo sat bar path kar koi.
Chhootahi bandi maha sukh hoi.

जो यह पढ़ै हनुमान चालीसा।
होय सिद्धि साखी गौरीसा॥

Jo yah padhai Hanuman Chalisa.
Hoy siddhi sakhi gaurisa.

तुलसीदास सदा हरि चेरा।
कीजै नाथ हृदय महँ डेरा॥

Tulsidas sada Hari chera.
Keejai nath hriday mahan dera.

Pavan tanay sankat haran, mangal murti roop.
Ram Lakhan Sita sahit, hriday basahu sur bhoop.

Pavan tanay sankat haran, mangal murti roop.
Ram Lakhan Sita sahit, hriday basahu sur bhoop.